ابداعات

وأنا ذنبي إيه

 

بقلم .. طارق دعبس 

وانا ذنبي إيه هي ال بيضة وحلوة بزيادة.
شافها سماري إتجن كالعادة
قدمت قلبي بدقته السكر
سبتلي ضحكة وشها سادة
وكان أقسي عقاب ليها
ابوسها بجد في عنيها
هاقابلك وفي مكان اوسع براح حالم وماله حدود
في جنة ولو تكون صحرا
لكن حضنك هيطرح بين رمالها ورود
هاسيب فيكي حاجات ليا وهاخد بالبدل ضمات
هاشيل عنك وجع مركون وكان فيا واسيبلك دعوة في السموات

يا دون الكل وقت جراحي موجودة وبتعافري
بتسندي روحي لو مايلة وبتكابري
يا دون الكل بتطمن في قلبي ان مرة بات موجوع
هاقابلك بس مش بينهم
لانك عندي مش منهم
في فرق كبير اوي عنهم .وصعب الشرح بالمظبوط
واسد الدين واكون ليكي سند جامد ومتحمل
هاقابلك برة عن عالم مالية الكيد وحب الذات
وهالضم قلبي في خيوط الامل بيكي
وهاخيط حلمي في النجمات
يا اجمل بنت في الدنيا
يا دنيا واختصارها بنات
بحبك كلمة مش كافية لوصف الحب
لكني باحب
باحبك قد حجم الكون بارضه والسبع سماوات

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق