ابداعات

تنين ذنوب

المختل 90

روحي ل مستنقعك انتي حقيقي نشأتي فيه.
مابقتش أقدر أتنفس وانا ف حضن الفيل.
عجزت معاكي من سنه طب عيزاني أكمل ليه .
خدتي ورد كتير ؛ فيه شوك اتفضليه.

ماسك القلم بقول نفسي جديد .
حاسس ب نبره الندم بوصف شيخ مريض.
يجوز المعلقات طفره بجذب ودن المستمع.
بس بخاطب عقل أقوي بتردد قلب ممتنع.

وصف حاله من كل صوره كامله بلاقي إجابه.
عموما دي فتره ف حياة الاعمي باستخدامه الآله.
عجاز ف نص الطريق مجازا عن بؤس الحياه.
أكيد طريقنا مظلم بس متنساش وجود الآله.
هسييك فتره طويله مش عارف هرجع ولا هتنسي.
عادي زي قبلي كتير ؛ أنا سطر وهتمحي .
بس أنا غلطان من البدايه ان سيبت قلبي ليكي.
كان المفروض ائمن عليه ف مكان أبعد عن عنيكي.

انت مجرد صنم ف كلماتي ف هحطم كل سطورك.
هنزلك تحت رجلي زي زمان معلش هكسر غرورك.
ف متضيقيش من جبروتي وتنسي ان كنت جوه حضنك طفل.
بس الطفل شبل من زمان وشبع منك واضطر يلجأ للحبر.
طب اكمل معاكي علي نفس المستوي .
شرخ كبير انهيار جسر علاقتنا سوا.
محدش شايف التاني كله شايف نفسه وبس.
انا كنت باببص ف المرايا بشوفني جزء بس.
أنا خليه أموت عشان احي باقي الأنسجة.
بوريك الخوف ف كرات دم فرعون وأنا بسحبه.
ذره واحده متكفيش لاباده سيجما الجهل.
بمسك أرشيف وارقص وسط ملكه نحل.

بديك معجم ما بين حروفي واقولك دا الحل.
مش هنساق ورا ورق حبر بردي طافح حبر.
ولا تمثال حريه ف متحف شمع غلافه فيبر.
مات ع صوت بدريه ماهو مولانا مكنش فاضي.
كسور ف حضن بكريه ما دا حكم من القاضي.
مبتكلمش لغه عبريه كان اصوله من الماضي.
ثم قال الذئب للشاه انتي وليمه الراعي طبعا راضي
بعد اللي عملته عايز بنت بكر.
ف تدخل جنه ع أرض بدون حرف ذكر.
لا والأكيد ف القصه ان النار بتحرقش مؤمن.
ف انت مصاب ب داء تكرار الذنب ك غراب مدمن.
تنين ذنوب ف ناركو مابتحرقش.
فيل موسوسه جمل مابتعبدش.
بقدم الكرابين بين كل حرف و حرف.
بشوف ما بين سطوركو ف بكتسب الصبر .

كسرت لغه السين وبدأت أعطش الجيم .
بالعاميه سبقت معاني الجمل ب شد الميم.
ف حبيت اضم كسور لغويه وابهدل السين.
تصدق قله ادبي بتزيد من علمي ف بقيت مختل 90….

Listen to Tneen ZnoB | تنين ذنوب by ( El Mo5TaL 90) المختل #np on #SoundCloud

الوسوم

مقالات ذات صلة

‫8 تعليقات

  1. ياااه هو لسه في مجله بتهتم بمواهب وبالذات في الكتابه اللي قربت تندثر واختفي الابداع والتجديد الراقي فيها
    بالنسبه للشاب اللي كتب القصيده…انت قدرت ازاي تكتب الكلام دا ووصلت للربط والابداع دا ازاي… اعذرني بقالي كتير مشوفتش كلام جميل بالطريقه دي انا مبسوط ان في موهبه بجد تقدر تظهر بقوه..
    وبشكر القائمين علي المجله اللي بتظهر الجانب المميز لمصر العريقه

    1. شكرآ جدا ل كلام حضرتك ودعم رهيب منك وفعلا المجله بتهتم بالمواهب بجد ودا شئ مفرحني ان بقيت جزء من الكيان العظيم دا وف ابداع مستمر وارقي دائما ❤❤

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق