مقالات

فاهمين غلط

بقلم سماح خضر

((الفرحة)) مش بكثرة التكاليف وافخم مكان
#باللمة وطيبة وحب ونقاء الناس اللى هيتجمعوا ويفرحوا سوا
((الطعام))مش بغلاء الاصناف والولائم مش بأفخم الاكلات لالا بالحب بين اللى هيتقاسموا اللقمة والحنية بينهم ولو كسرة خبز بملح بحب ورضا بيكون فيها بركة
((الجمال))مش بالمكياج والماركات والعدسات والماسكات
((العدل)) العدل مش معناة انك تاخد وبس وتطالب بحقوق سواء كنت راجل او ست العدل انك تكون عارف حق كل انسان ربنا خلقك لتكون فى حياتة اذا كان الاباء او ابنك او زوجتك متاخدش من حق اهلك لمراتك او من حق زوجك لاهلك او من حق الزوج للاولاد راعى اطفالك واعتني ايضا واحتوى زوجك
##الطبيعة يعنى جمالك الرباني وجمال الروح وطيبة قلبك اللى بتظهر على ملامحك وتحليكى من برة وجوةحلوة
((الشياكة))
مش انك تشترى اغلى ماركات اللبس وتمشي ع الموضةوتقلدى فستان فلانة وعلانة
لا البسي اللى يليق عليكى هاتى اللى على اد حالك انتي اللى هتحلي اللبس مش الفستان الغالي اللى تمنة يقطم الضهر هو اللى هيحليكى ومتقلديش حد خليكى مميزة ولو باقل القليل
((الراحة))هى ان قلبك يتفتح لانسان
#فلازم تكون على طبيعتك بلاش تمثيل بلاش استظراف او تعمل ابو المفهومية
ومفيش فى زكائك حد
ويبقى سوء الظن والشك يخسرك حجات حلوة كتير ترجع تندم عليها فيما بعد
((الكلمة))الكلمة زى السهم لو انطلق يصيب مفيهوش رجوع والكلمة قيسها على نفسك لو تحملتها قولها وتكون قول حق وصدق حتى مهما تتعرض الكدب مش بينجى بالعكس بيغرق اكتر ودافع بالمنطق وبالادب عن حقك
((الوعد))
وعد الحر دين علية والانسان موقف
((واقعى ))يعنى كن كما انت
#يعنى عيشوا عيشة اهاليكم ومتتنكروش لاصلكم لتجبروا اى حد باحترامكم وتقديركم
اهلك ظروفهم المادية بسيطة ستر ونعمة يكفوا ربوك وكبروك
واللى يتنكر لاصلة والارض اللى نبت وكبر فيها ومنها يبقى ميستاهلش الحب والخير ابدا

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق