ابداعات

“بدون وصية”

كتب محمد وليد

بدون وصية
ولا زُرت اولية
ولا متر في قضية
ولا متر في تراب
لا سند ملكية
ولا سند اصحاب
داير بدوب
والليل ثقوب
صوت الكعوب
وأوكره الباب
صوت يغني دمعه مني
يقطف الورد  الجنايتي
ويخبيه  في الدولاب؟
ريحه المطر
لعيشه بطر
خبة قَطر
تحت التراب
كحت في رجله
طول الشقا
والتعب له ريحه متعتقة
خايف لبنته تشم ريحتة
فسافر بسرعه بين الضباب
والنيل له خد
والمياه قد
اكمن حد وصي حد
والتاني حده
والتاني ساب
و الحلوه ماشيه
والوحده قاسيه
مالهاش حاشيه
ولا اصحاب
وتدور تدور
يا ناس دا نور
ملهوش بخور ملهوش مراد
والعين دي عيبه
والعيب يتعاب
والذل ليه حكمه
وملوش استعياب
والشِعر لُه خلقه
والباب وله حلقة
هو شايفه بيعصلج
وانا مش شايفله باب
اقفل ياعم الباب….

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق