شعر

شاعر مش مشعور. بقلم محمد وليد

شعر : محمد وليد

كتبت الشعر مضطر
روحتله وأنا لاجئ
شكيت همي لبيت الشعر
طبطب على صدري
اللي طابق
وقالي قول
بكيت كتابتي
وادلل دلالاتي
في جرس بحور
الناس ممكن تسمعني
بس يجوا لعندي
ودانهم تبور
فضلت مستني حد يسألني
مالك!
محدش سأل
فضلت مستني الفرح ينشلني
فقدت الأمل
فروحت للشعر على الاقل
أكون وسط البيوت مستور

القافيه
بتداري ريحة الحزن
زي بخور
فاتكتم.. واكتب اطلع اللي جوايا
محدش سمعني غير الشعر
فهو بالنسبالي صاحب مش هواية
كل الصحاب مشيوا
حتي حبيبتي مشيت
مفضلش غيره معايا
اصحابي حروف الأبجدية
ارتب فيهم اكون كلمه عليا
واعرف الهمزه
وحرف الجر و المجرور

ولو حد شايف موهبه..
أنا شايف قصايد ميته
علي قبرها مش زهرة مني لا .. زهور

ياريت كان موجود من
زمان حد يديني فرصة
احكيله
كان زماني مكتبتش شعر
وكان في داهيه يحل عني أو يغور
اه يا بدر
رفضت ليه تكتمل قدامي
حتي ضي القمر رافض سلامي
ولفيت لفتك ومشيت
وسبتني في ليل غريب
متفتت
متفرق
مبدور

ففضلت اكتب كتاباتي
وادلل دلالاتي
في جرس بحور
أنا عشت شاعر
لأني مش مشعور

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق