ابداعاتسلايدر

وهم النصيب

إبن مكرم

(وهم النصيب)
الفراق مابيندرجش
تحت تشخيص النصيب
والعشق مابيتفهمش
انه غلطه و حاجه عيب

يعني ايه تسكنيني
و مره واحده أبعدك
بعد ماكنتي بتسعديني
أتمني حد يسعدك؟!

ولا إسمي ده مباح
أي حد ياخده ليه
إسمي ملكك يا براح
مايسعش غيري يسكن في

إنت قولتيلي بحبك
فاهمه معني الكلمه ايه؟
يعني هافضل عمري جنبك
و قدرنا إحنا إتحكمنا فيه

قانون العشق ثابت
ضرب عدد الدقات
في كل نفس طالع جامد
يساوي بحبك من سكات

و المعادله الصعبه ديه
مابتتحلش غير بموتي
حتي لو غمضت عينيا
هاقول بحبك بعلو صوتي

يعني الفراق مابيتدخلش بيننا
غير بموجب فعل الموت
أصل حواسي كلها عشقت
والعشق قوه ليه جبروت

ماتجيش تقولي ده النصيب
بعد ما كتبت صك حبك بدمي
ده يبقي حتي بجد عيب
مصدر سعادتي يبقي همي

إبن مكرم

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق