ابداعاتشعر

مشاعر للبيع

قصيدة لياسمين حافظ

قرب تعالى وشوف
مشاعر هنا للبيع
معانا مشاعر مليانة خوف
و مشاعر تحكمها الظروف
ومشاعر تلج صقيع
قرب كمان وكمان
هتشوف أشكال وألوان
في قلوب مليانة حنان
وقلوب حياتها بتضيع
ومشاعر ماتت من زمان
حلفت تقسم وتبيع
ومشاعر لا بتعرف تنام
ولا عارفة تعيش في أمان
ونصيبها تتعذب وتضيع
ومشاعر بالحب تدلدق
ع كل معدي وتدقدق
وفي الآخر ماينوبها إلا التقطيع
تعالى شوف واتفرج
معانا مشاعر بتهرج
وهتعرف تلعب بيك
ومعانا مشاعر بتتناصح
وقت المصالح بتتصالح
ومشاعر بتتصنع وتصيع
قرب كمان وكمان
تعالى شوف واختار
معانا قلوب من نار
وقلوب عاشت تنهار
وقلوب نور ع نور
وقلوب غرقانة من الخير أنهار
قرب ولا تحتار
واحجز مشاعر للبيع

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق