ابداعات

مجلة لايف بيست..أم سحلول تحكي طفلة ف عمر التلاتين

أنا بنت كل مشكلتها في الحياة إنها عدت التلاتين و المشكلة الأكبر إن أنا في مجتمع رافض إني أعيش، رافض إني أحلم واحقق طموحي وده لمجرد اني مازلت آنسة! ،احساسي ان مش من حقي أعيش و أن خلاص مش من حقي أحقق ذاتي بيقتلني، تخيلوا إن لما حد يسألني بتعملي إيه في حياتك و أتكلم عن طموحي و شغلي بلاقي ضحكة سخرية غريبة و كان مش من حقي و أبسط رد ع كلامي ” يابنتي مبقاش فيه وقت ” فبرد و أنا بموت الف مرة : مفيش وقت لإيه بالظبط ؟! لآني أعيش و لما بأتكلم عن أمنياتي في الحب و الإرتباط بردو بلاقي نفس ضحكة السخرية ورد غريب جدا ” وده هييجي إمتي و إزاي و عمرك فاضل فيه أد إيه عشان تستني الحب اللي بتتمنيه ونصيحتهم ليا إني لازم أرتبط بأي حد يكون عنده الرغبة في الإرتباط بيا لأن مبقاش فيه وقت!

حتي شغلي وفرحتي بنجاحي ف اي حاجة بعملها بلاقي الرد عليها ان دي حاجة مش مهمة و الأهم إني ألحق أتجوز عشان مبقاش فيه وقت بإختصار أنا البنت اللي دبلت قبل ما تفتح وكأني عايشة بس عشان أحقق أحلام ناس غيري لكن أنا! مش مهم لأن مبقاش فيه وقت !! و بالرغم من كل ده عايشة بقلب طفلة نفسها تجري وتفرح وتتنطط نفسها تعيش مبسوطة لكن للأسف مش من حقها .

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق