المرأة والطفلسلايدر

كيف تستفيدين من اللبن حين يفسد؟

مع الشيف زهرة غزال

كتير بيسألوني اللبن قطع مني اعمل بيه ايه
أقولك أنا:
★اضربيه في الخلاط مع شوية سكر وكوب زبادي مع أي نوع فاكهه ويبقي زبادو
★اضربيه في الخلاط مع ملح وهايبقي رايب جهينة

★اضربيه في الخلاط واستخدميه في تتبيل اللحوم بديل الزبادي.
★اعملي سلطة خضار باللبن الرايب
جزر مبشور وبقدونس وطماطم وفلفل وبصل مقطعين و ضعي عليهم لبن رايب ونعناع وزعتر ورشة ملح وزودي رشة حبة البركه وممكن تحطي قطع جبنه فيتا او شيدر او قريش
★اعجني بيه قرص فلاحي او بيتزا
★جبنه قريش
هاتغلي اللبن وتحطي ملعقة كبيرة خل وملح حسب رغبتك وصفيه في مصفاه وبعد ذلك حطيه في شاشه او قماشه نظيفه واربطيها وسيبيها تتصفي خالص و ضعيها في الثلاجه و استخدميها بعد ذلك.

★فكره كمان ممكن تعمليها بنفس الخطوات بس من غير ملح وبعد ماتجمد حطيها في الفريزر ولما تعملي بيتزا ابشريها متجمده هاتديكي نتيجة الموتزاريلا بس مش بتمط
★فكره كمان اعملي جبنه قريش بدون ملح واستخدميها بديل الجبنه الكريمي للتشيز كيك بتبقي رووووعه
★ الشرش اللي هاينزل منك اوعي ترميه احتفظي بيه في الفريزر واستخدميه في المعجنات بديل الميه ولو مافيهوش ملح استخدميه في الكيك.

و أي حاجه باظت منك تعالي وانا اقولك تعملي فيها ايه

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق