شعر

كوتشينة

شعر : محمد وليد 

كوتشينه
ياعم الحاوي
مال جراب الحظ
معنادني
اجي اقرب لفرحه
حاجه تيجي
تبعدني
في إيده اخر كوتشينه
بلاستيك يطرقع
من بين ايدينا
بعلو صوته قالي
قَسم
قَسمت تقسيمة
لعبني علي حظي
بورق
الإيس إسبيدو اتسرق
و ترفله عل شجره ورق
و الدامه سكرته منفولة
و الكومي سبعه مقسومة
تلم و تبقي ملومة
و الهارت قلب مرسومة
خسارته واجبه محسومة
و الشايب من شيبته
اتحرق
مين قسم ومين فرَق
ومين حرق كل الورق

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق