ابداعات

فيلم إنسحابك

 

فيلم إنسحابك

بقلم : مينا مكرم 

قولي مش عارفه أتكلم
قولي عندك ظروف
قولي بدأت أتعلم
أبعد و ماحسش بخوف

قولي اللي تقوليه
كرري و عيدي فيه
واديني عامل مصدق
والملم في كل اللي لاقيه

قولي إنك في مرحلة فطام
دوقتي آكل و إستطعمتيه
قوليلي حتي أي كلام
وأنا هحاول أقتنع بيه

قللي في إهتمامك ليا
بطلي تفكير فيا
إبعدي عن دفا حضني
و إوعاكي تبصي في عينيا

خلي مكلماتي علي الإنتظار
واتلككيلي علي أي حاجه
بس أرجوكي خدي إنت القرار
و أديني بمثل السذاجه

فيلم نهايته مقرفه
شايف آخر ورقه فيه
بمثل فيه يا مؤلفه
عليكي إتقان الله عليه

أنا مش عايز أمشي
لأني للأسف راكور
كلمه أخيره معلش
مش هاقبل أبقي ديكور

مستني الناس تسقفلك
مستني أشوف دموعك
ريحي ضمير سعادتك
و بينيني سبب لجروح

غول روحك عمال يهبش
في مشاعر حبي ليكي
مستني أسمع فركش
عشان أمشي يا معاليكي

#إبن_مكرم

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق