ابداعات

غربة

“غربة”

قصيدة بقلم البطل الشهيد عقيد أركان حرب أحمد صابر منسي من كتاب قصائد منسي

مع كل غربة عيوبك بتظهر وكل ما تظهر أحبك أكتر
سبحان من وضع حبك فى قلبي ياللى حبك بيجري فى دمي
بحب نيلك وأحب أبويا أحب شعبك وأحب أخويا
نجوم السما وضي  القمر وليل الصحاري فى أيام السهر
البيه الظابط والباشا الكمين والشيخ اللى واقف قصاد الأمين
دكتور بيبنى .. مهندس يهد تلميذ بيسأل .. مدرس يرد
فلاح بسيط عن أرضه غريب صنايعى وحرفى عامل طبيب
مواطنة . مواطن مفهوم شديد حزب وطني و فكره الجديد
لخبوط ملخبط .. غلبان مش فاهم صعبان عليا انه لسه واهم
ياقلبى لا تحزن فرجه قريب لما جارك يبقى حبيب
ابدأ بنفسك وعلّى نفسك وخلّي نفسك رقيب لنفسك
حب بلدك . بلدك تحبك ولما تحبك تتونس بقربك
و إيدي فى إيدك وكتفى فى كتفك ….وبسم الله
تكون بلدنا بإذن الله.
مصر (ميم) مواطن مغلوب (والصاد) ده صبر مالي القلوب (الراء) ريادة .. آخ نسيت (الراء) دي رشوة ماليه الجيوب
خليها (ميم) مستقبل لجيلنا خليها (صاد) صبرنا ونيلنا
(… والراء) هتبقى ربنا يعينا
نبطل نحبك بأكتر من طريقة نقف دقيقة نوحد طريقة
نتوكل ع الله صديق وصديقة يبقى الخيال أصدق حقيقة
بحبك يابلدى وقلبى بيبكى ع الكان جدى بيحكي
وأقدر أغير ونقدر نغير وفى مصر نبني
ويارب أعيش عشان أعرف أحكي على اللى كان لبنتك وابني

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق