مطبخ

الكشري المصري

مع الشيف : زهرة غزال

الكشري المصري

طبعا محدش مبيحبش الكشري انا هقولكم على طريقه شيف زهرة غزال
ناخد حاجه حاجه نبدأ من الاخر للأول وهقولكم ليه
بنسلق حمص الشام ونسلق العدس بس مش أوي علشان هيكمل مع الرز
البصل المقرمش
بتقطعي بصله شرائح رفيعه و حاولي تجعليها متساوية في الحجم و افصليه من بعضه والسر انه يقرمش حطي عليه معلقه دقيق وسيبيه شويه وبعدين تحمريه في زيت سخن وخدي بالك تقفي عليه.
ليه بدأنا من الآخر لأن الزيت اللي قليتي فيه البصل هنستخدمه في حاجتين الصلصه والمكرونه
الصلصه بناخد الزيت اللي حمرنا فيه البصل ونسيب شويه للمكرونه وننزل بكميه ثوم حلوه ولما تصفر حطي عصير الطماطم انا بضرب معاه فلفلة ونتبلها بملح وفلفل وكمون وكسبره والتكه شويه حبهان مطحون أو أكثر ولما تتسبك بحط معلقتين صلصه و و القليل من الخل و قلبيها وغطيها و ضعيها على نار واتركيها حتى تصبح سميكة القوام.
الأرز : بنحمر الشعريه ونحط الرز ونقلبه ونضع عليه العدس وميته و نترك بعض العدس على جنب.

آخر حاجه تتعمل المكرونه قبل التقديم على طول ميه مغليه فيها ملح ولما تغلي ضعي المكرونه الصغيره وقلبي ودقيقتين و ضعي الاسباجيتي وبعد أن تتطهى نضعها في مصفاة و لا تضيف مياه باردة  اتركيها دقيقه تتصفي وارجعيها للحله و ضعي القليل من الزيت الذي وضعتيه جانبا.
بالترتيب الأرز و بعده المكرونه ثم الصلصه و الحمص و  العدس الذي تركناه جانبا
العدس ممكن أن تتركيه يصفي في مصفاة ثم ضعيه علي ورق مطبخ حتى يصفي تماما واضربيه في الكبه ورشيه علي الكشري قبل البصل
خذي بعض الصلصه و ضعي عليهم ملعقة شطة سوداني حسب الرغبة لو انتم حبينا و القليل من الخل حسب الرغبة
وألف هنآ وصحتين علي قلوبكم يأكل حبايبي

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
إغلاق