ابداعاتشعر

اخلاقنا فين

قصيدة لسماح خضر السعدني

يا اخلاق عايبة
ومبادئ دايبة
والناس فى التوهة
والسنتهم سايبة
بيحكوا عن
المظلومه والغايبه
وأرواح من الجراح قاسية
وذكريات للحنين ناسية
مابتفتكرش غير القسوة
يازمن فيك هانوا الحبايب
وقلوبنا من الحرمان دايبة
اخلاق سيس
وطبع خسيس
لاعاد تربية ولاتدريس
عبي مبادئنا يلا ف كيس
وارميها من اعلى الهويس
والشر بالخير كامن ودسيس
والكل بيفتي ويتمنظر
ومفيش ولاميزة ولامنظر
الوان ورتوش تتمسخر
اعلام وقامات بتتكسر
والصح بقي غلط وبيتبرر
والعيب واضح وبيتفسر
والمغرور والتافه بيتكبر
الله اكبر …الله اكبر
بالتوبة والرحمة ربنا بيغفر
اية اللى جرالنا وبيحصل؟؟!
وسمعنا بقي اعلي تهيس
الكل بيجرى ورا شهوتة
ونسي يعمل لبكرة وأخرتة
ملوا كروش بالحرام مرضاهم
واترسم الذل على سماهم
والانوثة حبسوها فالتحسيس
لية الكدب والغدر والتخبيص
دولا صنف رخيص
متداري ورا كراسي
وشهادات خدوها بالكواليس
عاملي فيها عنتر والهلالي
دا أنا واد غالي ونفيس
مفيش لك مثيل فى التدليس
ولما تواجهة باخطاؤة
ينكرببراعة يقول ناسي
دى مآسي كتيرة فوق راسي
وذاد الهبد والتخبيط
نقول ع الطيب
دا أهبل و عبيط
لخبطيتطا جنب حيطة
اركن على جنب
بلاش فى الدوشة ياعم تزيط
وعلى كتفنا تعلي
وكفاية بقي تنطيط
وتستغل الحوجة
بأيامنا العوجة
واخرتها اموت فطيس
ماليش دية
انا كرامتي راس مالي
بسنة نبينا الهادي
والقران الكريم اربي عيالي
وقدمهم لبلادي هدية
وأقول الحق من يومي
ومستحيل اقول وانا مالي
جدي فرعون بني حضارة
والطوبة الواحدة
بقيت الف عمارة
بالعزم مش بلف سيجارة
هصنع طيارة وسيارة
ف البحر وف كل ميناء
معروف بذكائي انا منارة
واسألو عن اصلي الشامخ
حتشبسوت وكمان رمسيس
متقوليش الكل بيغلط
انجو بنفسك من الإنحدار
وحاسب روحك قبل الدمار
واحفظ ادبك وبإصرار
نغرق اكيد فى بحر الإنهيار
وتحاوطنا براكين من نار
سليم وهادي و عبد الستار
بأخلاق هيبنوا حضارة
ويتصدوا لأعتي تيار
يحموا بدماهم العرض والديار
بسترك ياقدير ياستار

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق