ابداعاتسلايدر

أنا مش نبي

المختل 90

كاف ميم ف كاف سين الكام كام درويش.
لغة الصاد ف جوف الفكره كلام ما بينتهيش.
أراجوز ودايما عارف الناس بتضحك ليه.
طول ما الشخصيه ناجحه أنا باقي عليك.
طب فقره نركب فيل أو نعبد بقره.
الجهل إبراه والنعمه إبراهيم ف قافيه.
وجود سم ف كلامي أنا مدمن نبره.
بكتب معجزات ف تشبيهات كلمات أنا طفره.
(كاف ميم ف كاف سين) ..
عمري ف حياتي ما ركزت ف شعر حد.
و لا كتبت أي قصيده شبيه ل مغالطه الحق.
بس دايما تركيزي بيبقي واضح بين السطور.
عمرك شوفت بذره زاد محصولها وهي أرض بور !.
ورد كتير دبلان تحس أول القصيده كفر.
ف كلامي هزيان ماسك قلمي ف طار الضفر.
وجودي من عدمه أكيد ليه تأثير عليك .
زي الفرخه لما تبيض بيضه هأ دا نقدي ليك.
الحياه مشاركه حتي لو مخدتش بالك.
الكل خدام ف درجات الفكر ل مقياس جنابك.
ف بديك فكره تشوفها ع حسب درجات ذكائك.
ف اتعامل مع خلق الله بوضوح ومتنساش مقامك.
سفينتي ع المرسي بس بحر كلماتي عميق.
من نظره همسه برجي طار ومشاعري بتفيض.
أنا عصا فكره فا فلقت البخر.
انا حوت يونس ف قلب البحر.
أنا قوس قزح ب لون واحد .
أنا غروب الشمس ب لون باهت.
غراب أسود ف نهش الجثث غيابي ملحوووظ .
أحترفت فن التعامل معاها .
قفلت قصص ب طوق نجاها.
اخدت الفرصه ب مختلف أنواعها.
عميت الصوره ف مجمل كلامها.
ولسه فاكره.. !!!؟!.
لو كنتي فاكره ان تأثيرك عليا مزمن.
ف كنتي ناسيه ان الملحد مصيره مؤمن.
ف أنا فرعون ف نظرك وانتي مش آسيا ف نظري.
لو كنت نحت الصخر ب ضمير وغرقتي انتي ف البير مكنش دا قدري.!
كسلت ف علاقات كتير و علاقتك أبديه.
دا لفت انتباه كلمات مش محو أميه.
ايدي ورمت من التعليم ودماغي تعبت من التعبير .
انتي مش ملاك دليل ظهور ع أرض ؛وقتك فات.
بطلت ادخل ف علاقات معظمها شبيهه .
النهايه بنحددها طول ما لسه ريحتك فيها.
لما الاقي جرعه مختلفه هفكر أنتشيها.
بس وجودنا ع كوكب مخدر واحد منتشر فيها.
العسل ف البدايات أجمل سم ف النهايات.
اطول فقره ف قصه حب لما الذئب يدوق الشاه.
صدقتي لما شوفتي المر ف علاقتي.
ف بدأتي تستوعبي معني الحب ف مرايتي.

الحياه مشاركه حتي لو مخدتش بالك.
الكل خدام ف درجات الفكر ل مقياس جنابك.
ف بديك فكره تشوفها ع حسب درجات ذكائك.
ف اتعامل مع خلق الله بوضوح ومتنساش مقامك..

أنا مش نبي مليش معجزات الخلق بيها تهتدي.
أنا مش نبي ف أشق البحر ف كلامي بعد منطقي.
أنا مش ملاك ع الأرض ولا صنم عايش ساكت.
أنا الناطق بالحق ف وش معبدكو اللي غايب…
#أنا_مش_نبي
#المختل 90

الوسوم

مقالات ذات صلة

‫2 تعليقات

اترك تعليقاً

لن يتم نشر عنوان بريدك الإلكتروني.

إغلاق